بعد انفصالهما.. طليق سناء عكرود: هي بنتي وعشيرتي وغندافع عليها

25 سبتمبر 2019
بعد انفصالهما.. طليق سناء عكرود: هي بنتي وعشيرتي وغندافع عليها

الخبرية ـ فن وثقافة

عقب ضجة إعلان انفصال الممثلة، سناء عكرود عن زوجها الممثل، محمد مروازي، خرج هذا الأخير بتدوينة مثيرة عن علاقتهما.

وقال مروازي في تدوينة مطولة على حسابه بالأنستغرام: “اخترت سناء لأنها شخص مريح و قلبي بغاها و هي لي سانداتني وبقوة، بزاف عايرو سناء و طعنو فالعرض ديالها وعمرنا ما ردينا أولا، لأنها ماكانتش كتخليني، و دابا أنا مسؤول على قراراتي بوحدي وبغيت نهضر ليكم عليها.. سناء لا تستهلك مواقع التواصل، ما كتبغيش الزحام و الأضواء سناء كتقضي وقتها فالقراية، فالكتابة والمشي و لا الرياضة و مع الولاد، عمرك ما تسمعها تكلم على الناس بالخايب ولا تحكم عليهم، سناء صاحبتي قبل مانتزوجو، عشيرتي كاتمة أسراري وسندي”

وخاطب الممثل المغربي ذاته، منتقدي انفصاله عن عكرود قائلا : “الناس لي كتقول شفت جهة أخرى، سناء كتطلع البارة، فما كتخليكش تشوف ولا تقلب، كيبان كلشي قدامها شاحب وتقليد، ماكنبالغش كنقول الحقيقة لأنه ظلمتوها بزاف وماتعطاهاش حقها فالاعتراف الإنساني”.

وأكد طليق “عويشة الدويبة” أنها قدمت العديد من الأعمال الفنية الجديرة بالمشاهدة، والتي تركت أثرا طيبا لدى المشاهد المغربي.

وأردف قائلا : “غيجي شي حد محدود الرؤية و يقولي ايوا لاش تفارقتو ملي هادشي كاين، هذاك شغلنا واختيارنا و ذيك الورقة ديال والو لاشيء قدام الحياة والعائلة والمشاركة ديالي أنا وياها، الزواج مرحلة وجزء صغير وثانوي قدام الحياة الكبيرة والعامرة لي عطاتني سناء، أه غنكون مسؤول عليها دايما وغتكون مسؤولة عليا، اه دابا غندافع عليها أكثر حيث هي عائلتي مابقاتش مراتي، هي أكبر، هي عائلتي منبعد وليديا وخوتي، والأولاد كيجيو منبعدها حيث هي لي دارتهم ليا، قالت أنا ولدها ، أه أنا ولدها و هي بنتي وعشيرتي وكان ضروري نهضر لأن سناء عمرها ما غدافع على رأسها، حيث بالنسبة ليها إهدار للوقت و الطاقة”

اترك تعليق

لن يتم نشر عنوان بريدك الإلكتروني. الحقول الإلزامية مشار إليها بـ *


شروط التعليق :

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

الاخبار العاجلة

نستخدم ملفات الكوكيز لنسهل عليك استخدام موقعنا الإلكتروني ونكيف المحتوى والإعلانات وفقا لمتطلباتك واحتياجاتك الخاصة، لتوفير ميزات وسائل التواصل الاجتماعية ولتحليل حركة الزيارات لدينا...لمعرفة المزيد

موافق